Banner News गृहपृष्ठ प्रमुख समाचार समाचार

मुगुमा भ्रष्ट ईन्जिनियरलाई विप्लवको कालोमोसो, भ्रष्टचारीहरुलाई चेतावनी !

सरकारी कर्मचारी होसियार, विप्लवको कारबाहीमा परिएला !

अनखबर संवाददाता
पुस ८, मुगु

मुगु : मुगुमा सरकारी योजनामा अनियमितता गर्दै आएका महेष कठायतलाई नेपाल कम्युनिस्ट पार्टीले आइतबार कालोमोसो दलेर कारबाही गरेको छ । अहिले पनि हरेक योजनाको १० प्रतिशतको दरले असुल्दै आएको थाहा पाएपछि निजमाथि सदरमुकाम गमगढीमा कालोमोसो दलि जनकारबाही गरेको नेकपाले जनाएको छ ।


मुगुमा छाँयानाथ रारा नगरपालिकाको ईन्जिनियर महेष कठायतले गत वर्षमा सीआईपी सामुदायिक सिचाइ योजनाका उपभोक्ताहरुबाट १० प्रतिशतका दरले असुल्ने गरेका थिए ।
महेष कठायतलाई नेकपाले विगत देखि यसरी अनियमितता नगर्न पटक पटक चेतावनी दिंदै आएको तर बेवास्ता गर्दै अनियमितता गर्दै आएपछि निज कठायतलाई जनकारबाही गरेको नेकपाले जनाएको छ । स्थानीय बासीले हरेक योजनामा रकम असुल गरेको गुनासो समेतलाई ध्यानमा राखेर कारबाही गरेको एक नेताले बताए ।